Fakultet haqida

FAKULTET HAQIDA MA’LUMOTLAR

1969-yilda "Umummuhandislik fakulteti" tarkibidan "Qurilish-geologiya fakulteti" ajralib chiqdi va fakultetda “Sanoat va fuqaro qurilishi” hamda “Neft va gaz quduqlarini parmalash” mutaxassisliklari bo‘yicha kadrlar tayyorlash yo‘lga qo‘yildi. Yangi ochilgan "Qurilish-geologiya fakulteti" dekani lavozimiga geologiya-mineralogiya fanlari nomzodi, dosent H.A.Ahmedov tayinlangan. Habibullo Ahmedovich o‘zining ko‘p yillik samarali mehnati bilan fakultet tarixida sezilarli iz qoldirdi. Rahbarlik davrida yuksak tashkilotchilik qobiliyatiga va insoniy fazilatlarga ega bo‘lgan H.A.Ahmedov hamkasblari va talabalar mehrini qozondi. Dastlab fakultet tarkibida “Organik kimyo” hamda “Xorijiy tillar va rus tili” kafedralari faoliyat olib borgan, 1969 yilga kelib “Umummuhandislik va geologiya fanlari” kafedrasidan “Geologiya va qurilish fanlari” kafedrasi ajralib chiqqan. 1979 yilda “Qurilish mexanikasi” kafedrasi negizida “Gruntlar mexanikasi, zamin va poydevor” kafedrasi tashkil qilindi. 1972 yili institutning dastlabki bitiruvchilari orasidan eng iqtidorlilari tanlab olinib, kafedralarga o‘qituvchi lavozimiga ishga qabul qilindi. Qurilish fakultetini bitirib institutga ishga qoldirilgan yoshlar orasida M.Samixonov, F.Badriddinov, A.A.Ahmedov, S.Tursunov, O.Hamroliyev, B.Qahhorov, A.T.Mirzaahmedov, E.K.Umurzaqov, M.P.Ignatova, G.E.Oyzerskaya, R.I.Oxunboyev va boshqalar bor edi. Ulardan dosent A.Mirzaahmedov va R.Oxunboyevlar bugungi kunda ham institutda mehnat qilmoqdalar. 1972 yilga kelib fakultet tarkibida “Arxitektura va qurilish fanlari”, “Rus tili”, shuningdek, “Qurilishni tashkil etish”, “Qurilish konstruksiyalari” va “Qurilish mexanikasi” kafedralari ochildi. 1973 yilda “Arxitektura va qurilish fanlari” kafedrasi ikkiga bo‘linib, “Arxitektura” hamda “Fuqaro va sanoat qurilishi” kafedralari tashkil etildi. 1975-1976 yillarda t.f.n., dosent A.Abdug‘aniyev fakultet dekani lavozimida ishladi. 1976-1987 yillarda hamda 1995-1998 yillarda qurilish fakulteti dekani lavozimida dosent R.D.Teshaboyev faoliyat ko‘rsatgan. Bu davrda fakultet institutdagi eng yirik jamoalardan biri bo‘lgan. R.Teshaboyev rahbarlik qilgan yillarda “Student-qurilish otryadlari” tashkil etish ishlariga jiddiy e’tibor berilgan. Talabalar yozgi ta’til davrida Ivanovo, Tyumen, Tolyatti, Kemerovo va O‘zbekiston Respublikasining bir qancha viloyat va shaharlaridagi yirik qurilishlarda ishtirok etgan. Bu otryadlar, ayniqsa, institut binolari qurilishida faol qatnashib, jamoatchilik olqishiga sazovor bo‘lgan. Tajribaga ega bo‘lgan bu otryadlar paxta yig‘im-terimi mavsumi davrida shahardagi sanoat korxonalari qurilishida ishlash uchun jalb qilingan. 1987 yilda fakultet dekani lavozimiga demokratik saylov asosida dosent M.H.Zokirov saylangan va 1991-yilgacha ishlagan. Ushbu yillarda fakultetda yangi “Qurilishni tashkil qilish va iqtisod”, “Shaharsozlik va kommunal xo‘jalik” mutaxassisliklari ochilgan. 2024-yil 15-oktabrdan boshlab Sh.A.Umarov faoliyat yuritib kelmoqda. 2025-yil 16-mart sanasidan boshlab, Farg‘ona davlat texnika universiteti tashkil etilishi munosabati bilan, fakultet "Arxitektura va qurilish fakulteti" ga o‘zgardi.

Fakultetda dekan lavozimida quyidagi olimlar ishlagan:

  • 1975-1976 yillarda t.f.n., dosent A.Abdug‘aniyev
  • 1991-1995 yillarda dosent A.Abdug‘aniyev
  • 1995-1998 yillarda dosent R.D.Teshaboyev
  • 1998-2000 yillarda dosent S.Tursunov
  • 2000-2001 yillarda dosent E.Umurzaqov
  • 2001-2003 yillarda dosent M.N.Nabiyev
  • 2003-2004 yillarda professor A.I.Abdurahmonov
  • 2004-2005 yillarda dosent Q.I.Maxsimov
  • 2005-2009 yillarda dosent M.A.Davlyatov
  • 2010-2012 yillarda dosent E.O‘.Madaliyev
  • 2012-2013 yillarda professor I.N.Ismanov
  • 2013-2014 yillarda dotsent Y.M.Mahkamov
  • 2009-2010, 2014-2017 yillarda dosent J.D.Ahmedov
  • 2017-2019 yillarda Sh.A.Dexkanov
  • 2019-2021 yillarda dotsent E.M.Yunusaliyev
  • 2021-2024 yillarda dotsent Sh.M.Davlyatov
  • 2024-yildan dotsent Sh.A.Umarov

Hozirgi kunda "Arxitektura va qurilish fakulteti" universitetdagi peshqadam jamoalardan biri hisoblanadi. Fakultetda mavjud 9 ta bakalavriat ta’lim yo‘nalishida hozirgi kunda jami 1138 nafar talaba ta’lim olmoqda. Fakultet dekani muovini lavozimlarida Z.А.Umirzaqov, Z.M.Alаxanov, O.A.Mo‘minovlar faoliyat ko‘rsatib kelmoqdalar. Hozirgi kunda fakultetda 5 ta kafedra “Qurilish muhandisligi”, “Geodeziya, kartografiya va kadastr”, “Muhandislik kommunikatsiyalari qurilishi va montajiva eksplotatsiyasi”, “Arxitektura va kompyuter grafikasi” va “Qurilish materiallari, buyumlari va konstruksiyalarini ishlab chiqarish” kafedralari  mavjud bo‘lib,  ularda 90 dan ortiq professor-o‘qituvchilar mehnat qiladilar. Ularning 4 nafari fan doktori, 4 nafari professor, 35 nafari fan nomzodi, dotsentlardir. Qurilish fakultetida zamonaviy texnika va asbob-uskunalar bilan jihozlangan 6 ta laboratoriya xonalari mavjud bo‘lib, har o‘quv yilida ularda 90 dan ortiq laboratoriya ishlari bajariladi.

BAKALAVRIAT TA'LIM YO‘NALISHLARI

  • Bino va inshootlar qurilish;
  • Qurilish muhandisligi;
  • Yo’l muxandisligi;
  • Geodeziya va geoinformatika;
  • Geodeziya, kartografiya va kadastr;
  • Geodeziya va geoinformatika;
  • Muhandislik kommunikatsiyalari qurilishi va montaji;
  • Arxitektura;
  • Qurilish materiallari, buyumlari va konstruksiyalarini ishlab chiqarish;
  • Materialshunoslik va yangi materiallar texnologiyasi.

MAGISTRATURA TA'LIM YO‘NALISHLARI

  • Qurilish muhandisligi;
  • Bino va inshootlar zilzilabardoshligi;
  • Bino va inshootlar arxitekturasi;
  • Muhandislik kommunikatsiya tizimlari, qurilishi va montaji (turlari bo‘yicha);
  • Geodeziya va geoinformatika;
  • Qurilish materiallari, buyumlari, konstruksiyalari va ularni ishlab chiqarish texnologiyalari;
  • Qurilish materiallari texnologiyasi;​

DOKTRANTURA TA'LIM YO‘NALISHLARI

  • Qurilish konstruktsiyalari, binolar va inshootlar;
  • Rayonlashtirish, shaharsozlik, qishloq turar-joylarini rejalashtirish, landshaft arxitekturasi, bino va inshootlar arxitekturasi;
  • Suyuqlik va gaz mexanikasi;
  • Yer tuzish, kadastr va yer monitoringi;
  • Qurilish materiallari va buyumlari;

 Fakultetda yangi pedagogik texnologiyalarni qo‘llash, tayyorlanayotgan bakalavrlar bilim darajasini nazorat qilish va aniqlashning yangi usullarini joriy etish, amaliyot bilan ta’lim orasida uzluksiz bog‘lanishni tashkil etish maqsadida bitiruv malakaviy ishlari mavzularini korxonalar buyurtmalari asosida shakllantirish va bajarish bo‘yicha amaliy ishlar bajarilmoqda.

O‘ZARO HAMKORLIK

  • Yaponiyaning Wiltech Ltd., kompaniyasi bilan kadrslar tayyorlash yuzasidan shartnomasi mavjud;
  • Qurilish fakulteti O`zbekiston Respublikasi "Qurilish va uy-joy kommunal xo’jaligi" vazirligi hamda “Uzsanoatqurilishmateriallari” uyushmasi bilan doimiy ilmiy-ishlab chiqarish sohasida hamkorlik qilib kelmoqda;
  • Toshkent arxitektura va qurilish universiteti;
  • Islom Karimov nomidagi Toshkent texnika universiteti;


     
  • Toshkent irrigatsiya va melioratsiya universiteti;


     
  • Samarqand davlat arxitektura qurilish universiteti;

Bundan tashqari, mamlakatimizning yirik ishlab chiqaruvchi korxonalar bilan doimiy xamkorlik olib boradi:

“Farg‘ona Azot” ishlab chiqarish birlashmasi, “Farg‘onafuqaroloyiha”, “Davr-AT”, “Al-Me’mor-A”, “Qo‘qonqurilishloyiha”, “Farg‘onalandshaftdizayn”, “Emaks” va bir nechta loyihalash universitet xodimlari bilan hamkorlikda ish olib bormoqdalar.

FAKULTET QOSHIDAGI SPIN-OFF KORXONALAR HAQIDA



FAKULTETNING IQTIDORLI-TALABA YOSHLARI


YO'LDOSHEVA MUXAYYOXON ALISHER QIZI
2024-yil uchun ta'sis etilgan O'zbekiston Respublikasi "ZULFIYA" nomidagi davlat mukofoti sohibasi.
Ilmiy rahbari: PhD, dotsent X.A.MAMATOV


TOSHMATOV ULUG'BEK QODIRJON O'G'LI
2023-2024 o'quv yili bakalavriat yo'nalishi uchun ta'sis etilgan "ISLOM KARIMOV" nomli davlat stipendiyasi va 2022-2023 o'quv yili bakalavriat yo'nalishi uchun ta'sis etilgan "BERUNIY" nomli davlat stipendiyasi sohibi.
Ilmiy rahbari: PhD, dotsent Sh.M.DAVLYATOV


MO'MINOV ISLOMBEK IKROMJON O'G'LI
2023-2024 o'quv yili bakalavriat yo'nalishi uchun ta'sis etilgan "BERUNIY" nomli davlat stipendiyasi sohibi.
Ilmiy rahbari: PhD, dotsent Gʻ.I.MAMATISAYEV


JAMOLLIDDINOVA XURSHIDABONU TO'YCHIBOY QIZI
2023-2024 o'quv yili bakalavriat yo'nalishi uchun ta'sis etilgan "BERUNIY" nomli davlat stipendiyasi sohibasi.
Ilmiy rahbari: PhD, dotsent Z.A.ABOBAKIROVA


QURBONOVA NILUFARXON ULUG'BEK QIZI
2022-2023 o'quv yili bakalavriat yo'nalishi uchun ta'sis etilgan "BERUNIY" nomli davlat stipendiyasi sohibasi.
Ilmiy rahbari: t.f.n dotsent, J.D.AXMEDOV


MAVLYANKULOVA SITORA ZUXRIDDINOVNA
2022-2023 o'quv yili bakalavriat yo'nalishi uchun ta'sis etilgan "BERUNIY" nomli davlat stipendiyasi sohibasi.
Ilmiy rahbari: PhD, dotsent K.R.XAKIMOVA

FAKULTETDA AMALGA OSHIRILGAN MA’NAVIY-MA’RIFIY ISHLAR

Fakultetda belgilangan ma’naviy-ma’rifiy ish rejasi asosida turli xil ma’naviy, ma’rifiy va madaniy tadbirlar muntazam ravishda tashkil etilib kelinmoqda. Ushbu tadbirlar yoshlarning ma’naviy dunyoqarashini boyitish, ularni vatanparvarlik, milliy qadriyatlarga sadoqat ruhida tarbiyalashga xizmat qilmoqda. Universitet miqyosida o‘tkazilayotgan “Ma’rifat ulashib” loyihasida fakultet talabalari hamda professor-o‘qituvchilari doimiy va faol ishtirok etib, o‘z bilim va tajribalari bilan hamkasblariga hamda yoshlarga ma’naviy ozuqa berib kelmoqdalar.

Shuningdek, fakultet talabalari nafaqat ta’lim jarayonida, balki ijtimoiy hayotda ham faol bo‘lib, Respublika va xalqaro miqyosda o‘tkazilayotgan sport musobaqalarida munosib ishtirok etishmoqda. Ularning yutuqlari nafaqat fakultet, balki butun universitet sha’nini yuksaltirishga xizmat qilmoqda. Bu esa yoshlarimizning har tomonlama yetuk, barkamol shaxs sifatida kamol topayotganidan dalolat beradi.